Dienstag, 16. Mai 2017

Eekboommäten, öwer wo sünd de Blääd?



An`n 10. Mai wär dat wedder sowiet, de Eekboom in Hössen wür medt. Tolegt hät he düt Johr nich, he har woll keen Lust. De Blääd könn`n nich tellt warn, se wär`n noch nich dor, dat gev nu lange Schnuten bie`n Vörstand. Willem: „De süht jo ut as`n Strukbessen!“Dat is in 28 Johr noch nie so west.

Öwer, no düssen Dohlschlag güng dat komodig wieder. De Jagdhornbläser ut Hogenbostel (alls Deerns) häbt de Lüd dull imponiert. So ok uns Kaminmuskanten Anna Offen un Jana Groß, beid ut Holxen drögen an Eekboom plattdütsche Gedichte vör, ohn dorbie n Fehler to moken, jüm geföll ok de Höhnluft.

Up`n Sool könn Wilhelm Feuerhake väl Gäst begreuten. So ok dan Börgermeister  Hermann Hoff ut Seborg, de Leiterin von de Volkshochschool Frau Matzker Steiner, Maria Lembeck, Jörg Hillmer sowie Dagmar Hillmer as 2. Börgermeister. All wär`n sik eenig, uhs Plattdütsch Sprok to erhollen un top plägen, ob in de Schoolen un nich toletzt ok hier in Hössen.
Hella Nottorf un Niels Tümmler drägen Besinnlichet öwer uhs Muddersprok vör. So güng dat denn komodig wieder, de Buer ut Emmendörp un Gerhild Drescher snackten öwer dan Regenschirrm un Angilika Schröder un Martina Schultze snackten öwer de Mannslüd. Fünf Scheuler von de Volkshochschool könn`n nu bewiesen, dat se de plattdüsch Sprok got lehrt häbt un kreegen dorvör ok ehr Utteknung. Dat wär wedder een schön`n Obend un dat schall ok so blieben.

Keine Kommentare:

Kommentar veröffentlichen